धेरैले महत्व दिन थालेका छन् र चासोको विषय वन्न थालेको छ अहिले वातावरण । नेपालगन्जकै कुरा गर्ने हो भने डा. विनोद कर्णले नेतृत्व गरीरहनुभएको ग्रीन नेपालगन्ज क्लिीन नेपालगन्ज, नेपालगन्ज उपमहानगरपालीकाका र यहाँका विभिन्न व्यक्तिहरुले यहाँको सरसरफाइ र विरुवा रोप्ने काम गरीरहेका छन् ।
वर्षेनि नेपालगन्जमा पानी कम पर्न थालेको छ । यो वर्षकै कुरा गर्ने हो भने कोहलपुर क्षेत्रमा अत्याधिक पानी परीरहेको वेला पनि नेपालगन्जमा पानी परेको हुदैन । राझाँ चोकवाट पानीमा भिज्दै आएका रीक्साहरु धम्वोझीचोक पुग्दा रीक्सा भिजेका हुन्छन तर पानी परेको हुदैन । उता चारवाहिनि तिर पनि पानी परेको हुन्छ । तर मुख्यतया ः विपिचोक, धम्वोझी चोक र पुष्पलालचोकमा पानी ने पर्न छोडेको छ ।
यो समस्या सामान्य होइन । यहाँ पुर्खाैदेखी वसोवास गरीरहेका व्यापारीहरु भन्छन् यहाँको धुलोमैलो, फोहोर, प्लास्टिकजन्य पदार्थ जहितहि हुनु, धमाधम औद्योगीक क्षेत्र, कलकारखाना सञ्चालन हुनुले पनि यहाँको वातावरण विग्रदै गएको छ ।
नेपालगन्जका रीसीकेश शर्मा खनाल भन्नुहुन्छ – नेपालगन्जमा पानी पर्ने खालका विरुवाहरु रोप्न जरुरी छ । अहिले जथाभावि जुनसुकै विरुवा रोप्ने काम भैरहेको छ । यो पनि वातावरणका दृष्टिकोणले गलत छ । धेरै प्रकारका विरुवामा धेरै प्रकारका जिवाणुहरु हुन सक्दछन् । जसले गर्दा वातावरणलाई सकरात्मक भन्दा पनि नकरात्मकतातिर लैजान सक्छ ।
उहाँ आध्यात्मिक चिन्तन गर्नुहुन्छ । धार्मीक ग्रन्थहरुमा गरेको अध्ययन अनुसार एउटा यस्तो विरुवा हुन्छ त्यो विरुवा रोपेको ठाउँमा पानी परीरहन्छ । त्यो विरुवामा त्यस्तो पानी पार्ने गुण हुन्छ । जस्तो तुलसी ।
हुनत उहाँले थुप्रै विरुवाको नाम लिनुभएको थियो । तुलसीलाई धार्मीक महत्वका दृष्टिकोणले अति महत्वपुर्ण विरुवाका रुपमा लिने गरीन्छ । त्यसका अन्य गुणहरु संगै पानी पार्न सक्ने गुण पनि हुने उहाँको भनाइ छ । यस्तो विरुवाहरु हरेक सर्व साधारणले आगनमा रोप्नाले पनि नेपालगन्जवासीलाई फाइदा पुग्ने उहाँको धारणा छ ।
,,,,,,,,,,,,,,,,,,,,,,,,,,,,,
२०७४ श्रावण १४ गते