कथावाचिका देविप्रतिभा र उनको वाणीमाथिको बहस

सामाजिक सन्जालमा यतिबेला बहस भइरहेको विषय हो देवि प्रतिभा र उनको वाणी । 

काठमान्डौमा जारी कोठिहोममा कथावाचनका क्रममा उनले डिभोर्स भन्ने शब्द शास्त्रमा नभएको र विवाह पछि जस्तो श्रीमान भएपनि मिलेर बस्नुपर्ने कुरा शास्त्रमा रहेको सुनाएपछि, बर्डिगार्ड राखेको र महंगो पारिश्रमीक लिएको विषयलाई लिएर  चौतर्फी आलोचना भइरहेको छ । 

सबैभन्दा पहिले देवि प्रतिभाको कुरा गरौँ । नेपालकी छोरी प्रतिभाले २२, २५ वर्षको उमेरमै भारतमा आफ्नो छवि बनाउन सकेकि छन् । जबकी यो उमेरमा नेपालका युवतीहरु सानो जागीर, स्नातक, स्नात्तकोत्तर तह गर्दै अझ ग्रामिण क्षेत्रका महिलाको कुरा गर्दा धेरै युवतीहरु विवाह गरेर बच्चा र घर व्यवहार सम्हाल्नु परेको अवस्था छ । नेपाल र भारतमा परिचय बनाउनु उनको लागी नै नेपालकै लागी ठुलो उपलब्धि हो ।

अहिलेसम्म नेपालमा पुरुष कथावाचकहरु नै अगाडी देखिन्थे । देवी प्रतिभा, राधीका दासी लगायतका महिलाहरुले धार्मिक क्षेत्रमा जून लोकप्रियता कमाइरहेका छन् यो नेपालकै लागी नयाँ उदाहरण हो । 

आफ्नो सुरक्षाका लागि ८, ९ जना बर्डिगार्ड राख्नुले उनलाई हानी गर्दैन । भर्खरै एक महिना अघि भारतमा धार्मीक कार्यक्रममा भागदौड हुँदा १ सय बढी मानीसहरुको मृत्यु भएको थियो । धर्मलाई राजनीति बनाउनेहरुका कारण यहाँ जतिबेला पनि दंगा हुन सक्छ । जति धेरै मानीसहरु आसपासमा हुन्छन् त्यति नै धेरै खतरा हुने भएकाले यो सामान्य हो ।  तर नेपालका लागि यो पहिलो पटक देखिएको नयाँ अभ्यास भयो । 

एकजना धार्मीक कथाबाचिकालाई यति ठुलो संख्यामा बडीगार्ड राखेको कुरा कसैलाई चित्त बुझेन । एकातिर यो उनको स्वतन्त्रता हो भनिरहदा अर्कोतिर बर्डीगार्डहरुको खर्च तिर्ने तिनै भक्तजनहरुबाट हो नी भन्ने कुरा पनि आइरहेको छ । यसअघि भएका धार्मीक अनुष्ठानहरुमा भ्रष्टचार हुने गरेका हामी सबैले सुन्दै आइरहेका छौ । लेखक दिल निशानी मगरले बरु भ्रष्टाचार विरुद्ध आवाज उठाउनुपर्ने भनेका छन् ।

डिर्भोसको विषयमा देवि प्रतिभाले शास्त्रमा यो छ तर आजको समाजमा यो हुनुपर्ने भनेर विश्लेषण गरेको भए सायद यो विषय चर्चामा आउने थिएन । उनले यति ठुलो मासमा शास्त्रको प्रचार गर्ने पट्टुका रुपमा भूमिका निभाएको भन्दै लेखक विन्दु शर्माले फेसबुकमा लेखेकि छिन् । 

अहिलेको समय फरक छ । पहिले श्रीमतिले घरभित्रको काम र बच्चाबच्चिको स्याहारसुसार गर्थे । श्रीमानले आयआर्जनको काम गर्थे । आर्थीक रुपमा महिलाहरु पुरुषको भर पर्नुपर्ने अवस्था थियो । अहिले महिलाहरु आफै आत्मनिर्भर भएका छन् । आत्मनिर्भर भएपछि आफुमाथीको हिंसा किन सहने ? उनीहरु हिंसाविरुद्ध आवाज उठाउन थालेका छन् । यति मात्र होइन अहिले सामाजीक सन्जालमा डिर्भोस भएपछि सेलिब्रेसन समेत हुन थालेको छ । Divorce Celebrate

शास्त्र होस् या कुनै किताब । कुन समयमा लेखिएको हो भन्ने कुरा महत्वपुर्ण हुन्छ । एक समयका कुराहरु अर्को समयसम्म पुग्दा परिमार्जनको जरुरी हुन्छ । समाजले ती शब्दहरु स्विकार गर्नैपर्छ भन्ने छैन । आफ्नो अनुकुल बदलिदै लैजानुपर्छ । समाजका धारणा फरक फरक हुन सक्छन् । तर तपाईका लागि के कुरा अनुकुलन हुन्छ भन्ने महत्वपुर्ण हो । समाजको बहुमतले अनुकुलन गरेका कुराहरु नै परम्परा बन्दै जान्छन् । 

देवि प्रतिभाको विषयमा विभिन्न मिडियामा लेखिएका सामाग्रीहरु यहाँ पढ्न सक्नुहुन्छ ः 

देवी प्रतिभालाई दुत्कार्नेहरूका नाममा

देवी प्रतिभा जी भन्नुहुन्छ, प्यार से बोलो ना !

देवी प्रतिभाका पहेलीः मीठो आवाजमा के-के झूट बोलेर हिँडिन् ?

देवी प्रतिभा र धर्मशास्त्रमा सम्बन्धबिच्छेद

#देवि #प्रतिभा #बडी गार्ड #डिभोर्स